Советот на родители при ОУ „Живко Чинго“ од с. Велгошти вечерва одржа состанок, на кој донираше лектирни изданија за училишната библиотека за потребите на учениците.
Имено соработката меѓу училиштето и советот на родители е на високо ниво. Родителите на состаноците преку директорот на училиштето, Гоќо Чингоски се информираат за потребите на учениците, проектите кои училиштето ги работи и разните активности од типот на: екскурзии, настава, проблеми, развојни програми итн.
Советот на родители на состанокот го информираше директорот за нивниот став и начин на гледање на работите, се со цел за подобро насочување и успех на учениците. Советот на родители исто така вети дека ќе помогне на учениците со послаби материјални услови.
„Нашата цел е да направиме мост меѓу родителите и наставниците за подобар развој и бенефит на нашите ученици.“- вели директорот Чингоски.
WebOhrid